MGOMBEA MWENZA URAIS WA CCM DR BILAL AKIHITIMISHA WIKI YA UWT PAMOJA NA KUWANADI WAGOMBEA UBUNGE NA UDIWANI WA WILAYA KINONDONI, DAR-ES-SALAAM LEO

Mgombea mwenza Dr. Mohammed Gharib Bilali alihitimisha wiki ya UWT katika viwanja vya Mwinjuma kata ya Makumbusho, Kinondoni.

alisema Chama Cha Mapinduzi kinajivunia umoja huo wa UWT kwani ni moja ya nguzo imara katika chama hicho.

Pia aliupongeza umoja huo kwa juhudi kubwa ya kuwakomboa wakinamama, na kuhakikisha wakinamama wanapata maendeleo na huduma zote muhimu, moja ya huduma hizo ni kupata mikopo yenye masharti ya unafuu zaidi. Na alimpongeza Mh. Jakaya Mrisho kikwete kwa kufungua benki ya wakinamama ili iwasaidie kwa maendeleo yao na kulisimamia taifa lao kwa uzuri zaidi.

Mwisho alimuombea kura Mgombea Urais Mheshimiwa Dr. Jakaya Mrisho Kikwete na kuwanadi wagombea Ubunge wote wa wilaya ya kinondoni pamoja na madiwani.

Dr. Mohammed Gharib Bilal akimnadi Mgombea Ubunge wa Jimbo la Kinondoni Mh. Iddi Azzan wakati wa kuhitimisha wiki ya UWT.

Mh. Iddi Azzan alipatafursa ya kuwa hutubia wananchi, aidha alimshukuru rais Jakaya Mrisho Kikwete kwa kutekeleza ahadi zote alizozitoa kwenye Jimbo la Kinondoni, na kuwataka wananchi wampe tena kura nyingi za ndio ili aendelee kuongoza nchi hii, pia aliwaomba wananchi wamchague yeye kuwa Mbunge wao tena katika Jimbo la kinondoni ili aendelee kushirikiana na kuleta maendeleo kwa wananchi wote. na aliwaombea kura madiwani wote wa CCM katika Jimbo hilo na Wilaya nzima ya Kinondoni.

Mgombea Ubunge Jimbo la Ubungo Mh. Hawa Ngumbi akinadiwa na Dr Mohammed Gharib Bilali katika wiki ya wanawake ya UWT.

Dr. Mohammed Gharib Bilali akimnadi Mgombea Ubunge wa Jimbo la Kawe Mh. Angela Kizigha katika katika uwanja wa mkutano wa wiki ya wanawake UWT.

Ndugu Leila Seif ambaye alikuwa Mjumbe wa baraza la wanawake Taifa kupitia Chama cha CUF arudisha kadi CCM kwa Mheshimiwa Dr. Mohammed Gharib Bilal. wakati wa mkutano wa UWT, uliofanyika viwanja vya Mwinjuma, Kinondoni.